七人樂隊

724優先場其實可以搞得成呢個project喺影史上都絕無僅有喇，拍慣大製作嘅大導演難免喺呢啲短片會有失手，當然其中都有好嘅作品。《練功》：大哥大今次又摷返佢當年拍《七小福》嘅古仔出嚟，由佢個仔出演，裏面有大量練功嘅鏡頭凸顯咗當年嘅辛酸，但同時就掩蓋咗故事背景個年代感，唔了解背景嘅朋友會以為睇緊武術隊宣傳片。5.5/10《校長》：睇完覺得60年代嘅校長係可以咁樣教育學生，同學生嘅感情係咁close，一直都好鐘意許鞍華講故事嘅手法，吳鎮宇繼續有影帝級表演，幾滿意。7/10《別夜》：裏面有句星爺喺《他來自江湖》嘅台詞已經交代咗故事發生嘅年份，移民潮令到一對學生情侶無奈分別，你以為講愛情，我就認為係講政治喇。聽住甄楚倩唱住《深夜港灣》，唱到「你快將消失，消失去，去了未會返」嘅時候，我突然間喊咗出嚟啊屌你！8.5/10《回歸》：最最最估唔到就係「天下第一」武指係可以拍呢啲小品。後生走得到，班老餅點走咧，幾十歲，腰骨又脆，最後嗰幕班仔女話返嚟陪個老人家，係個人回歸咋，你估個心回歸咩，有心嘅就唔會走啦！6.5/10《遍地黃金》：唔知係咪玩咗幾年鮮浪潮，杜sir連短片都可以駕輕就熟，短短時間將大量嘅訊息塞入去都唔覺得趕，睇到尾覺得似睇緊《奪命金》嘅番外篇。8/10《迷路》：東san嘅遺作，似係佢想對香港嘅一封情書。不過總體節奏有啲奇怪，反正我就get唔到喇，可能真係同香港一樣迷咗路掛。6/10《深度對話》：徐克依然天馬行空，玩到要同精神病人深度對話，其實邊洗咁麻煩啊，我地日日都畀班黐線佬搞到黐撚曬線啦。啱㗎喇，依家每日都係精神病人同精神科醫生嘅對話，新聞日日播緊啦！7.5/10七人乐队(2020)6.42020/中国香港中国大陆/剧情历史/洪金宝许鞍华谭家明袁和平杜琪峰林岭东徐克/洪天明洪金宝本文版权归作者Οsvalᑯo所有，任何形式转载请联系作者。